उर्लाबारी । मोरङको उर्लाबारी नगरपालिकाले स्थानिय स्तरमा रहेका खेलाडीहरुको विकास गतिशिलतालाई बढाउन खेलकुलका विभिन्न विधाहरुमा लगानी गर्दै आएको छ ।
स्थानिय सरकार गठन भएसगै उर्लाबारी नगरपालिकाले फुटबल, भलिवल, क्रिकेट लगाएतका क्षेत्रमा खेलाडीहरु उत्पादन गर्ने लक्ष्य स्वरुप विभिन्न गतिविधी गर्दै आएको छ ।
सोही अनुरुप नगरपालिकाले छैटौं सस्करणको उर्लाबारी मेयर कपको आयोजना गर्न लागेको उर्लाबारी नगरपालिकाका प्रवक्ता एवम उर्लाबारी नगरपालिका वडा नम्वर– ३ का अध्यक्ष भिष्मराज बुढाथोकीले बताउनुभयो ।
राष्ट्रिय खेलाडी उत्पादनमा उर्लाबारी नगरपालिका उर्वर भुमिका रुपमा परिचित नगरपालिका हो । विभिन्न समय खण्डमा फुटबलको क्षेत्रमा संजिव बुढाथोकी, विजय धिमाल, रजिन धिमाल, मिक्छेन तामाङ, रुपेश तामाङ, निरज बस्नेत, सुर्य अधिकारी, भुषण सुब्बा, कविता धिमाल गरी आधा दर्जन भन्दा बढी फुटबल खेलाडी र खेल प्रतियोगिताको विश्व महाकुम्भ बेजिङ ओल्मपीक सम्म एथ्लेटिक्स तर्फ सहभागि चन्द्रकला थापा उत्पादनमा योगदान गर्दै आएको यस पालिकाले यस पटक स्थानिय मंगलबारे युवा क्लबलाई आयोजना प्रतियोगिताको जिम्मेवारी दिएको छ ।
युवा क्वलको आयोजनामा आगामी वैशाख ३ गतेदेखि १० गते सम्म उर्लाबारी–३ स्थित प्रस्तावित उर्लाबारी रंगशाला सालबारीमा प्रतियोगिता आयोजना गर्न लागिएको क्लवले पत्रकार सम्मेलन गरी जानकारी दिएको छ ।
प्रतियोगितामा उर्लाबारीका ९ वटै वडाको सहभागिता रहनेछ । उर्लाबारीस्थित प्रस्तावित सालबारी रंगशालामा आयोजना हुने सो प्रतियोगिताको विजेताले ७५ हजार नगद, उप विजेताले ५० हजार नगद सहित ट्रफी, मेडल र प्रमाण पत्र प्राप्त गर्ने खेल संयोजक माझीले बताए ।
त्यस्तैगरी सो प्रतियोगिता संचालनको लागि करिव ५ लाख ६५ हजार खर्च हुने अनुमान गरिएको छ । उर्लाबारी नगरपालिकाबाट ३ लाख र अन्य सहयोगि दाता तथा संस्थाहरुबाट करिव २ लाख ६५ हजार संकलन हुने अनुमान गरिएको आयोजक क्लबका खेल व्यवस्थापन संयोजक राजन सुवेदिले बताउनुभयो ।
’स्वास्थ्यका लागि खेल, राष्ट्रका लागि खेलाडी’ भन्ने मुल नाराका साथ आयोजना हुने सो प्रतियोगिताको फाईनल खेल आगामी वैशाख १० गते हुनेछ ।
पत्रकार सम्मेलनमा उर्लाबारी नगरपालिका वडा नम्बर ३ का वडाध्यक्ष भिष्मराज बुढाथोकी, मोरङ जिल्ला फुटबल संघका अध्यक्ष सञ्जिब बुढाथोकी, स्थानीय समाजसेवी छविलाल दाहाल, ३ नम्बर वडाका खेलकुद विकास समिति संयोजक सुमन श्रेष्ठलगायतले प्रतियोगिताको सफलताको शुभकामना सहित मन्तव्य राखेका थिए ।
क्लबका अध्यक्ष पिपलराज गिरीको अध्यक्षतामा सम्पन्न पत्रकार सम्मेलन कार्यक्रमको सञ्चालन क्लबका सचिब सन्तमान लिम्बूले गरेका थिए ।